FAMILIAREKIN ELKARLANEAN

LEHEN ELKARRIZKETA:

MAISU rola:

-Nola sentitu naiz maisu/maistraren paperean elkarrizketan?

Elkarrizketa hasi baino lehen, irakaslearen papera aztertu nuen. Irakaslearen azalean jartzea zaila eta gogorra zen eta horri egoera gehitzen baldin badiogu, orduan okerrago. Egoera honetan datza, irakasleak ikasle baten gurasoekin hitz egiteko beharra dauka, haien semea kurtsoz errepikatuko duela informatzeko.

Egoera hori transmititzea tristea eta zaila zen, batez ere, zuk ume horrengatik zure eskuetan egon den guztia egin baldin baduzu. Irakasle gisa esparru positibo guztiak kontutan hartzen baldin baditugu, ondo sentitu naiz baina egoera transmititzea asko kostatu zait pena ematen zidalako eta serio hartu dudalako gaia. Elkarrizketa honetatik ateratzen dudan ondorioa honako hau da: ez dakidala nola jokatuko dudan, egoera hau bizi eta nire aurrean izan arte.

-Nola baloratzen dut ama/aitarengandik jaso dudan informazioa?

Gurasoek, elkarrizketa honetako beste zatia zen eta haien ikuspuntua jakitea ezinbestekoa zen. Azaldutako arrazoiak funtsezkoak izan dira, nik hobeto ulertarazteko umearen egoera. Hona hemen argudiatutako zenbait arrazoiak: lanaren kausaz, ez zutela denborarik haien semeari etxeko lanetan laguntzeko; zeharkatzen ari zuten egoera ekonomikoa ez zela oso ona, besteak beste. Arrazoiak aurkeztu eta gero, kontutan hartu eta baloratuko nituzke. Bestetik, irakasle bezala zenbait aholku eman nien, adibidez, zaintzaile bat kontratu edo klase partikularretara eramatea, baina horretarako ahalmen ekonomiko bat egin beharko lukete, umearen etorkizunean pentsatuz; ikuspuntu honetatik begiratuta, ulergarria izango zelako.

-Zein izan da bete dudan rola ("la relación profesorado-familias" artikuluan oinarrituz)? Argudiatu erantzuna.

"La relación profesorado-familias" artikuluan oinarrituz, irakasle aditu gisa modeloa aukeratuko nuke. Hasieratik, ama irakaslearekin hitz egitera doa eta bere buruan haren semea errepikatuko duela ideia darama, orduan ama modelo horretan oinarrituta irakasleari kulpa guztia botatzen dio, honako hau esan zuen bera zela haren semearen hezkuntzaz arduratzen zena.

AITA rolean:

-Nola sentitu naiz ama/aitaren paperean elkarrizketan zehar?

Aitaren azalean egotea, maisuaren azalean baino errazagoa dela konturatu naiz, eta arrazoiak anitzak dira; adibidez, aita izatean maisuari ez zaizkizun gauzak esateko aukerak dituzu, bere lana gaizki egiten duela oinarri gisa izanda. Horrez gain, nahiz eta maisua transmititzen ari zidan mezua nire gustuko ez izan, nire semea defenditzen saiatu naiz argudioak emanez; baina azkenean konturatu naiz bere ikasketetan arazoak zeudela. Esan beharra dago, gurasoaren ikuspuntutik desberdina ikusten dela, baina baita ere ez dela batere erraza.

-Nola baloratzen dut irakaslearengandik jaso dudan informazioa?

Nire semea errepikatu behar zuela esan didanean, haserretu egin naiz baina ez dut kanporatu. Alde negatibo honetatik, alde positiboa ikustea lortu nuen hainbat irtenbide proposatu zizkidan momentuan. Bestetik, nire semeaz ezagutza zuela egiaztatu zidan zenbait adibideen bitartez baita ere, etxeko giroaz galdetu zidan, arazoaren jatorria bertatik zetorren jakiteko, eta ez zen soilik mugatu eskolako giroaz informazioa ematera.

-Zein izan da irakasleak bete duen rola ("la relación profesorado-familias" artikuluan oinarrituz)? Argudiatu erantzuna.

"La relación profesorado-familias" artikuluan oinarrituz, erabiltzaile modeloa hautatzea erabaki dut, hots, hezitzailearena. Nire ikuspuntutik, irakasleak aurretik bazekien zein zen haurraren ingurumena. Horretaz aparte, egoerari irtenbidea emateko, gurasoen parte hartzea eskatzen zuen.

BIGARREN ELKARRIZKETA

MAISU rola:

-Zeintzuk dira hobetu ditudan aspektuak burututako lehenengo elkarrizketatik

bigarrenera?

Lehengo elkarrizketatik bigarrenera nire ikuspuntutik hobekuntzak eman dira. Elkarrizketaren norabidea desberdina izan da, beste norabide bat hartu du, batez ere, aurretik zenbait pausu jarraitu behar genituela argitu zigutelako. Pausu horien artean, ama edo aita egiten zuen kideari atea irekitzearen xehetasuna zegoen. Bestetik, gustatuko litzaidake nabarmentzea pixkanaka-pixkanaka maisu rolean sartzen ari naiz, eta gustora sentitzen naizela.

-Zeintzuk dira hobetzeko geratzen zaizkidan aspektuak familiekin elkarlanean aritzean?

Funtsezkoena, naturaltasunez jokatu behar dudala. Ezin nuen naturaltasunez jokatu kameraren presentzia urduritasuna eragiten zidalako. Beste aldetik, azpimarratzea gustatuko litzaidake esperientzia faltatzen zaidala, baina nire ustez, hori poliki-poliki esperientzien ondorioz ateratako alderdi positiboak barneratuak izanez, etorkizun batean hobeto jokatuko dudala. Hobetu behar dudan beste aspektu bat izango litzateke, bilera hasi aurretik aita edo ama horrekin zeri buruz hitz egingo dudan prestatu behar dudala, ez trabatzeko; kasu batzuetan, bideoan ikus daitekeen bezala, aditz batzuk pentsatzen geratu naizela.

-Zertaz ohartu naiz ikaskuntza esperientzia hau burutu ondoren? Zertan lagundu nau esperientzia honek aurretik nituen aurreiritziak aldatzen edo birplanteatzen?

Karrera hasi baino ez dugu egin eta irakaslearen azalean jartzea ezinbestekoa da, etorkizunean gure lanbidea izango delako. Nire ustez, irakasleak ariketa hau burutzea agindu digu, gure begiekin eta sentsazioekin nabaritzeko zer den irakaslearen azalean jartzea baita ez dela batere erraza, baizik eta alderantzizkoa, zaila. Egoera planteatu zidanetik poztasunez hartu nuen, nahiz eta transmititu beharreko mezua positiboa ez izan, bizi egingo nuelako irakasle egoera bat. Beraz, esan dezaket esperientzia nire gustoko izan dela eta disfrutatu egin dudala.

Oraindik gauzak ikasi behar ditudala eta hori esperientzia eta denboraren bitartez izango dela argi daukat, baita behin gauza horiek barneratuta izanda irakasle ona naizela esan dezakedala.

Esperientzia honetatik, irakaslearen azalean jartzea zaila eta gogorra dela ikasi eta sentitu dut baita ere nahiz eta zure semea-alabak ez izan, era berean maite izango ditudala; mota honetako mezu bat transmititu izatekotan, sufritu egingo dudalako.

JOEL FERNANDEZ