FAMILIEKIN ELKARLANEAN

Aurreneko elkarrizketa egin ondoren hurrengo galderen inguruan gogoeta egin

AMA/AITA rolean:

- Nola sentitu naiz ama/aitaren paperean elkarrizketan zehar?

Guraso paperetik egia esan, errazagoa eta erosoagoa izan da gure argudioak defendatzea, edozein elkarrizketatan gure ideia defendatzen dugun moduan defendatu baitut Xabier. Halere, askotan gertatzen ez den bezala, guraso ulerkorraren rolean jarri naiz, gurasoek eta irakasleak haurraren hezkuntza ahalik eta ondoen joan dadin, bat eginda egon behar dutelako.

- Nola baloratzen dut irakaslearengandik jaso dudan informazioa?

Haseran aipatu bezala, nahiko urduri zegoen irakasle paperean jarri den ikaslea. Horregatik, lehenago idatziriko gidoiari begiratu batzuk eman dizkionez, esan daiteke ez zegoela nahiko seguru bere buruarekin. Uste dut, garrantzi gehiegi eman diogula esan behar genuena buruz ikasteari, irakasle-guraso elkarrizketari atentzio gehiegi jarri gabe. Nolanahi ere, la relacion profesorado-familias irakurri ondoren irakasle rolean jardun duenak ni edo besteren bat izan, irakasle lekua ondo mantendu dugula iruditzen zait.

- Zein izan da irakasleak bete duen rola ("la relación profesorado-familias" artikuluan oinarrituz)? Argudiatu erantzuna.

“La relación profesorado-familias” artikuluan orinarrituz, irakasleak “modelo de usuario” delakoa betetzen du, hau da, hezitzailearena. Horretaz gain,arazoa soluzionatzeko,gure parte hartzea eskatzen zuen, laguntza hau familiaren beharretara egokituz. Bestalde, erdi bide bat aurkitzen saiatu da, denon iritziekin; egoera gertuagokotuz.

MAISU/MAISTRAREN rolean:

- Nola sentitu naiz maisu/maistraren paperean elkarrizketan?

Irakasle rolean, zailtasun gehiago aurkitu ditut: gurasoei nola aurre egin, erdi-bidera iristeko moduak aurkitu beti ere ikaslearen ongizatea kontuan hartuz....

Orohar, gurasoek, nahiko jokabide neutroa izan arren, batzuetan egoskor eta setati jardun dute eta horrek beti zailtzen du irakasle baten jarduna. Saiatu naiz oreka bilatzen gurasoen iritziekin eta haien haurrak eskolan zituen arazoekin, eta azaltzen hezkuntzaren esparru bakarra ez dela eskolakoa; eskolatik at ere lana egin behar dela haur baten hezkuntza egoki batetara iristeko.

- Nola baloratzen dut ama/aitarengandik jaso dudan informazioa?

Lehen elkarrizketa izanik oraindik ere konfiantza gutxi zegoen geure artean eta nolabaiteko distantzia nabaritzen zen. Bakoitzak bere ideiari heusten zion besteari gehiegi erreparatu gabe. Horregatik, agian, irakaslearren lana zaildu egiten da, bizitza errealean bezala, eta ulertu beharra dago hezkuntza prozesuan guraso eta irakasleek bat egon behar dutela ideia eta eman beharreko pausuetan.

- Zein izan da bete dudan rola ("la relación profesorado-familias" artikuluan oinarrituz)? Argudiatu erantzuna.

Bete nahi izan dudan rola, ulerkorra izatean zetzan. Gertukoa gurasoekiko, hezitzaile paperetik jokatuz baina edozein pertsonarekin ariko balira bezalako konfiantzan hitz egitea nuen helburu, jakin dezaten, ikastola edozein familiaren euskarri dela euren seme alaben hezkuntzari begira.

Bigarren elkarrizketa egin ondoren hurrengo galderen inguruan gogoeta egin:

MAISU/MAISTRAREN rolean:

- Zeintzuk dira hobetu ditudan aspektuak burututako lehenengo elkarrizketatik

bigarrenera?

Lehen elkarrizketatik bigarrengora, lasaitasun gehiago nabaritu dut gorputzean. Gurasoekiko adeitasunean ere hobekuntza bat nabaritu nuela iruditu zitzaidan, hots, hainbat gai ezberdinei buruz hitz egin zuzenean arazoa azaldu beharrean, kaferen bat eskeini... gertukoagoa izaten saiatu naiz, eta uste dut lortu dudala.

- Zeintzuk dira hobetzeko geratzen zaizkidan aspektuak familiekin elkarlanean aritzean?

Dudarik gabe nire buruarenganako konfiantza gehiago izatea gustatuko litzaidake. Konfiantza hori handitu dadin, espero ez ditudan iritzietarako ere argudioak edukitzea gustatuko litzaidake, askotan sorpresaz edo, ez baitut asmatzen hitzekin eta espresioa lan honetan funtsezkoa dela iruditzen zait. Bestetik, hezitzale on batek bete beharko lituzkeen zereginak gehiago azpimarratu eta betetzea ere gustatuko litzaidake.

- Zertaz ohartu naiz ikaskuntza esperientzia hau burutu ondoren? Zertan lagundu nau esperientzia honek aurretik nituen aurreiritziak aldatzen edo birplanteatzen?

Lehenagotik ere banekien irakasle-guraso erlazioak garrantzi handia zuela. Baina behin, paper horretan jarrita askozaz ere garbiago ikusten da hori, guraso paperean jokatzen duen horrek kontra egin eta, haurra bezala, gurasoak ere hezkuntzarik oparoenaren bidera zuzendu behar direnean. Horrelako kasuetan ikusten da benetan, hezkuntzak ikastolaren esparrutik at ere, garrantzi handia duela, eta haurraren testuinguru orok jakin behar duela hori bideratzen.

MARKEL EIZAGIRRE